SACD 同好會

好舊，仲有冇人講呢?
axgroup 發表於 2012-5-30 15:25

你好有心机, 7年前嘅咁都比你巢到出离, 但可以讲d乜野呢? 果位人兄仲记唔记得呢个THREAD都成问题. 你地一味讲DIY, 我乜都唔懂得, 所以斎睇. 唔再出声, 除非有人讲下老麦.

目前小弟仲未到非要听SACD不可的地步. 舊年将部MCD301, 唔觉意用只碌碌袋带咗入祖国, 卖咗个好价. 而家用紧部孖宝mcd/mda1000...比听sacd总觉得好好多. 可能部解码嘅功劳吧.

小弟用的CD盤是TEAC已停產十多年的VRDS 10SE(SE=Special Edition),經過改良(換了部份發燒零件)
和只 ...
Pentaxlam 發表於 2012-6-2 21:57

睇离师兄似乎非常重视录音质素, 而师兄又系名超级黑胶爱好者, 对cd觀感自然有所偏差, 但本人都有咁同感目前嘅cd制作比早年嘅差多, 滥竽充数. 黑胶以纯analog嘅角度比较就比cd嘅数码金属味好好多. 之所以师兄要改进TEAC 嘅解码功能无非都系希望做到把数码味转变成最接近黑胶味. 而家呢度好多师兄都喜欢花时间同金钱去DIY装部靓DAC, 事关一台CD机解码最重要, 售价高低亦决定于用紧乜野解码机组. 亦解释咗小弟点解要花高昂价格置咗台分軆解码及转盘组合. 正如师兄讲, 用台好d嘅cd机听张录音靓嘅cd就已经同其他所谓乜乜sacd, hdcd, dvdaudio差唔多. 但不何否认, 普通cd同高传真cd都有其好处, 同黑胶比较不何一概而论, 正如阿佛头兄话斎, 黑胶声甜, 但CD却系比较准确. 否则小弟花咗成10饼有多嘅解码加转盘一定比黑胶师兄们话我傻头, 唔比人笑到面黄就假啦.

家父年轻时到而家成70几都仲系度听紧黑胶, 由唱盘,唱臂到金线造嘅顶级mc头, 再纯胆由前到後无非都希望听到最原音嘅效果. 两者有其优点, 实在不必太主观性去作比较. 花得其所, 各有所好, 各领风骚. 我都好欣赏师兄对黑胶的执着, 亦好羡慕有咁多珍藏, 喜欢有机会比小弟前来分享下黑胶心得. Enjoy the music!!

奇怪啦, 可能字太长气, 点解無人有回应嘅?

睇到阿賓德林兄嘅黑胶论言, 最近的起心肝将台哈文盘挪出离装番只mc Sumiko Alchemist A, 当然比家父果台MT10低皮多了. 洗番净D黑胶, 足足听咗三日, 有D黑胶我亦都有CD正版本, 前後对比试听, 黑胶嘅炒豆声以及丰富深厚嘅人声樂声真系好吸引听觉. 但可惜却难揾到中间声场. 三维空间比CD出离效果差. 目前小弟只用紧曾经顶级过嘅阿麦分軆CD唱盘孖宝, 唔系SACD,  解码器亦公认为有能力将数码转变成最接近ANALOGUE嘅mda1000. 听完之后, 仲系果句, 各领风搔. 就睇用乜野料嘅解码器 以及个人喜好. 所以并唔见得谁比谁靓声d

有咗台性能好嘅解码器, 就算接入现时流行嘅lossless,稍微压缩过嘅数码档案, 出离效果比黑胶及CD版唔差得去边. 小弟有幸能接触到系音响界比较似样嘅品牌所以先胆粗粗作出中肯D嘅意见.

唔需理会系黑胶定CD版, 本身现时嘅市场价值只是某些人刻意炒高, 有收藏价值, 物以罕为贵, 天价嘅碟并唔系全因为声靓, 先置咁贵. 而系睇自己套机是否有能力可以化腐朽为神奇. 得出自己心爱嘅声效.