电脑音乐经DAC落Hi-Fi经验谈

的確如是，不過要克服幾點:

一。傳統對電腦的偏見
二。電腦本身的噪聲，不是訊號上面的噪聲，而是風扇聲，光碟聲，硬盤聲等
三。電腦電源對其他器材的干擾

如果我話一部電腦可以出到比高檔CD頭更好的音質，就會俾好多人鬧無稽
但這確是事實，也不是我一個人說的。當然電腦只能用光纖輸出，要接獨立DAC才會好的。

[quote:387afb6d07="fionne"]

你說的恰恰是我的親身體驗, 網上有一些高人將一些天碟轉換成高度原音的電腦格式, 我將之下載後用光纖接上我用了廿年的Philips DAC960出前後級, 效果非常出色, 我還比較了幾個梁祝版本的音樂檔案, 從中找出值得收藏的版本才購買CD.

更加值得一提的, 是用DVD-ROM播放DVD版的Kathrine Jenkins演唱會, 感覺竟然比五千元以下的DVD/SACD Player(抱歉小弟未曾有機試聽五千元以上的機種)更為悅耳動聽, 真是太棒了! 最重要的是可以用回原來的器材, 不必再花功夫和金錢時間走訪音響舖挑選器材, 不用再上音響店受那些爛韃韃店員的揶揄, 說實話, 我多年在油尖旺深就未曾遇到一個有修養的音響店員[/quote]

咁我又唔客氣，想問兩個問題。兄台聽過o既格式我諗 APE，FLAC 同WAV一定唔少得。有冇覺得WAV會好D，定係無分別呢？MP3，ogg 就一定冇得比架喇。

另外一個係，你覺得邊個player最好聲？foobar，winamp定係另有心水呢？

其實我o既問題，係想將個setup，推到去最細微o既分別，希望搵到最佳o既組合，從而知道點樣可以有最好o既音效，又或者講到底有咩會令到音效唔夠好。

咁又唔駛咁客氣，再講我都四十過外喇，絕唔可以話係年青有為。

等我又試下media player classic先，這點說明左就算同一格式，就算係lossless，用唔同方式/程式播放，仲會有差別。其實都係有道理的，原因係雖然格式上，大家解碼之後得出數據都完全一樣，但送出來到sound card做digital out係仲會有一點點差異，呢點點差異就影響左音質。

依家我攪緊D野，如果第日有機會，會搵你幫幫耳。

其實如果用external DAC，sound card 可以唔駛用咁頂級o既，反正只用佢光纖出，audio in/out 都唔會用得著。

reading rom 用好D都可以，不過唔係一定o既，因為讀o既方式唔一樣，唔駛好似CD 機要求咁高。

[quote:cf17f2dd5a="Deep Sea"]

光纖輸出已經是高級 Sound Card 最差的數碼輸出方式[/quote]

例如？

[quote:0556cfc617="kin111kin"]唔同的sound card的數碼輸出相差都好大,我用過黑金2,安橋se 90,M audio 2496和EMU 0404,就數摩過都有分別[/quote]

可以咁講，不過sound card o既成本大部份係晒analog parts上面，只用光纖的話，都幾浪費的。

大家用過邊隻upsampling software 好聲的？

用PC做 upsampliing 同用DAC等做唔一樣，因為唔需要realtime 去做，algorithm 可以複雜好多

但始終音質o既野好主觀，用計算方式去尋找原本失左o既野好難有一個準則

唔知大家有冇經驗

我自己試過用anytime，將一首音樂由44.1 16 升上 88.2 24，用左成晚

[quote:c98834499a="Deep Sea"]用硬件去升頻是最好聲，用軟件除了花時間外，硬碟的佔用空間也十分巨大。
4分鐘的 CD 歌曲錄音是 44.1kHz/16bit ，大約只有35MB；如果升頻去 176.4kHz/24bit 大約要 370MB 空間。[/quote]

唔多同意你講法，不論硬件好軟件好，分別在於其算法
如果你只能用realtime hardware去做，算法就要遷就，變得簡單
而且buffer亦細，唔可能從大量數據中盡量提取可用資料
軟件其實都有大把realtime o既算法，一樣唔會佔空間

問題o既重心反而係，如果我地唔介意花時間同儲存空間，那我們可以從44.1 16 ，recover 到幾多己經失去o既detail

[quote:0821e472d1="Deep Sea"]硬件的升頻機，除了是數字上的升頻，還可以把 CD 的音質提升得遠比 SACD 更好。因此 Sony 一直很抗拒硬件升頻機，甚致可以用致力打擊來型容。
現在的記憶體非常平宜，DDR2 512MB 記憶體eTT 顆粒價格在 1.17 美元，1Gb 顆粒價格也只是 2.7 - 3.0 美元，buffer 的成本佔整體生產成本微不足道。[/quote]

咁咪一樣囉，即係你用DSP realtime去做，定係用PC去做，基本上冇分別，都係計數
分別在如果你Realtime去做，有時間o既限制，唔可以用太複雜o既算法。
如果無呢個限制，可以有幾多做幾多，鐘意做幾耐到得，咁點解唔會好左？
至於memory問題，唔係講太貴，唔可以加，而係數據太多時，你根本唔可以realtime process到。

"還可以把 CD 的音質提升得遠比 SACD 更好" 就真係見人見智，從純理論上係唔太可能，先天CD格式問題己經有好多Detail lost左，再勁o既升頻，只不過係盡量recover失去左o既，最盡最盡都係去貼近192 24，同SACD同樣o既水平。「音質比SACD好」亦唔係apple to apple 既比較，一個PCM 一個PWM 大家輸出設計又唔同，好難咁比，咁你自己鐘意聽，覺得好，咪OK囉

[quote:92d3447eea="Deep Sea"]
音響是很神奇的世界，在數字升頻計算上，PC 的 CPU 依靠浮點計算，忠直地計出來；硬件升頻機是直接把需要的算式燒入 chips 內計算運行。因為硬件升頻機是針對音樂單一運作，所以除了數字上的計算還加入了計對音質的整理，這正是比 PC 優勝之處。
音質的比較，當然是以人耳來比較，而不應該用那一種制式來比，就好似 CD vs LP。CD 雖然數字上完美，但發展了三十年，市場上還是無法屠呔 LP 。[/quote]

可以講一句，所謂硬件升頻能做o既野，PC一樣做得到，冇任何技術上面o既問題，只係一般HiFi廠用左DSP去升頻，部機賣得咁貴，冇理由寫個PC software o黎打爛自己飯碗，對於所謂「針對音質的整理」，只係未有人用PC做而唔係PC做唔到，但己經係遲早o既事。
記住你無論講升頻又好，音質整理又好，歸根結底只係一種算法，係冇時間限制o既情況下，PC一d都唔會有問題。「忠直地計出來」呢個只係算法，唔同軟件就有唔同o既做法，唔係同係PC就一樣o既。同係music player，foobar 同winamp都唔一樣啦