漫漫長路音樂路，音響、音樂與成長

漫漫長路音樂路，音響、音樂與成長！


話得漫漫長路，當然係長編文章，希望可以同對音樂及玩音響有興趣的朋友分享下少少心得，特別係家下好多音響書亂up一通，對音樂軟件無見地！比錢賣廣告乜都話靚，對器材好壞無立場，人雲亦雲！歸根究底對音樂無所要求，自身跟本不懂，學人寫碟評，評器材，膽敢說只要有一點點修為，睇見笑到死又激死，今期係某本高級音響雜誌見到有個寫手話歐瑞?中低音域特別醇厚......在此無意評論歐瑞?的唱功，但絕對唔係佢講個個樣野，差天共地，好些寫手連邊種樂器打邊種樂器都未分到，歌曲的種類都未攪清楚就亂點一通！我可以話你知，95個%以上係點紅點綠，咬文嚼字，行裹字間為出稿而寫稿！講緊乜自己都未知！
文字太多，一下寫不完，有興趣就慢慢睇下，會一路講落去！會談聽音樂，談玩音響的個人睇法！


背境成長編:

任天堂紅白機音效

     一切從一部遊戲機開始.............小年時剛出了任天堂紅白機，風魔幾許少年人，節衣宿食都要弄一套回家打餐飽！對一個十歲小子來說，打鋪機當然對聽音樂來得痛快啊！再說家裹連一套放卡式盒帶的機也沒有，頂多從收音機聽兩首鄭少秋，旺明荃算數，音樂對當時的我來說太遙遠啦！但畢境DNA裹流著音樂的魔血，玩任天堂都講少少音效喎！記得當時紅白機得一條單聲度Audio線接去個陳年電視到，聲音衰到無人有。見到人地游戲機鋪D聲靚咁多，就問下個叔叔點解D聲咁勁，佢話有個盒可以接個任天堂Audio 輸出，會變立體聲，D聲勁好多架，仲可以駁耳筒聽(個套野包埋)。拿林反屋企打爆錢箱，拿幾十蚊去買佢反屋企，用後個然聲音大改善，打爆機後聽個D主題音樂醒神好多！咁靚的東西，反到學校拿林話比同學仔聽，個個無乜反應，原來十歲細路對音質無乜要求...........算吧，自己繼續浸醉，從始條根就咁生左出泥！

卡式錄音機帶過帶
     
家裹多了一部樂聲牌的卡式錄音機，姑媽經常放著羅文呀，旺明荃呀咁，聽聽下覺得好正，特別係鄭少秋首紅紅聖火，特別夠章力！襯無人係屋企拿林開大佢爆機.........但發覺開到咁上下大聲，會變左"拍拍"聲，令當時年紀少少的我十分無癮，明白到乜野叫頂唔順！唉，算吧！聽收音機好過！聽得多，發現原來歌真係好好聽架喎，對一些好鐘意的歌曲，特別想佢成日播出泥，為了等心愛的歌出現，只有係咁等、等、等！
     當時剛剛阿Sam帶起左個勁Band熱潮，其中有隊Band我好鐘意，一隊達明一派，一隊係Radis，個時beyond剛出了永遠等待隻細碟，未識聽住！於是跟同學相約一人買一隻，交換聽！好，於是第一次去唱片鋪買左盒石頭記！反到屋企日聽夜聽，覺得好新鮮喎，但基於家裹樂聲牌音響太衰聲關係，聽起上泥不能盡慶！慘！
     其中家裹比較富有的同學部機有帶過帶功能，有些仲有快Dub，拿林買兩盒TDK120叫同學幫手Dub歌，從止接觸到好唔同的廣東流行曲，其中特別鐘意阿Sam的歌，睇完佢的戲又聽佢歌，特別有feel！當時升上中一，有個同學叫阿狗，咁細個以經識得去鴨記買線呀，買喇吧咁！記得佢Dub出泥的歌音色特別正，次次找佢幫手Dub歌，放學又去佢到聽野！後尾先發覺原來佢用LP過帶，唔怪得正咁多！好，下定決心，點都要弄套好少少的卡式機泥玩下，但對一日得十蚊八蚊仲要食飯的少朋友泥講，五六舊水都係大數目泥！無計，為有再等下先！
註"當時帶過帶，LP過帶同家下MP3有乜分別，當年唱片公司無理到"


沙灘爆機年代
     去到十三四歲，八十年代中，當時好流行一樣活動，就係爆機，公屋有公屋爆，燒野食呀沙灘有沙灘爆，仲知鬥大聲，部機爆贏你個人幾咁自豪呀當時！我個朋友阿狗己經出來做野，日頭做油七，夜晚做酒樓，我自己都成日去做酒樓part time，當年十三歲就可做野！人工都有90蚊一晚，做左樓面仲有百二蚊！好過家下時代好多！
     阿狗發現自己屋企的手提卡式機唔夠人家的小露寶抽，出親街都輸，於時把心一橫，將部Akai卡式機幾舊水賣左比我，自己出鴨記整個箱，用汽車音響的構做做一套內置水電的戶外功放！十三歲有DIY的動力，勁！呢個阿狗家下做左舞台音響公司的老闆，專幫人做演唱會咁！環境唔錯！
     呢部幾十磅的DIY一出，果然將個D小露寶打得落花流水，不過因為大重關係，對瘦猛猛無錢食飯的我們來說，要動用一架車仔兩個人擺佢出街，自此兩三年呢部機無論去西貢露營，石澳沙灘派對咁，從未抽輸過，好多時仲有一大班人一齊過泥聽，我家姐當時有個朋友做DJ，有好多白板碟，比左好多未出街就派台的歌我，去到巴士呀，戶外呀咁
，四圍爆機！好多人投以艷羨目光，奇怪點解我們有呢D新歌，當時年青人十分留意新歌推出！唔同家下！呢部怪獸機因為太勁關係，多次比紋身大漢兇過好多鑊要我地細聲一點！可想然知power幾咁勁呢！

舊唱片檔
     記得八十年代尾咁上下，CD開始出現，當時賣成百二蚊一隻！唱片就60蚊到，歌手一出就出CD、LP、卡式帶！當剛剛先有唱片機的我來說，十分開心，因為市面好多舊LP開始大減價，鴨記及廟街好多檔賣二手及新LP的檔口！乜類形的歌路都有，十蚊一隻，當時又開始接觸好多歐西流行曲，樂隊呀咁！記得原裝版的Eagle加洲旅館都係廿雞買反泥
，家下抄到二千幾銀！如果你無經歷過四圍找碟聽野呢個衝動，你對音樂的發燒程度，唔會高得去邊呢！

套裝日本音響
     市面上又出現好多套機，通常有唱盤，CD，卡式帶，收音機，EQ，AMP咁，電視機咁大台，分體又貴一些，合體就平一點！我自己就買左套千五銀的Sony半分體式反屋企聽！其他有錢的朋友就玩Marantz，Sony，Akai，Denon咁自組一套組合出泥！當時中價speaker好流行JBL 及 Bose！貪佢大單元，音色靚，好爆得泥又靚聲！LP與CD之間的並存，到了九十年代初開始減滅，清一式CD天下！但夠境CD好定LP好呢！有機會再從錄音角度談談！

侍續！.......